FERROL VELLO

UNHA RESPOSTA CONTROLANDO OS NERVIOS POR ELISEO ZAERA RÍOS

envíado por Ferrol | 28 Junio 2007 | 2 comentarios

1º) Falsidades ou medias verdades .... ¿cales?

• As del (Félix Alonso): ... ¿abuso da boa fe dos mariscadores?. Qué frase máis bonitiña, fale con eles!

• O Porto Exterior era un proxecto .... complete a frase, non diga medias verdades: era un proxecto que incluía a Planta de Gas no lugar axeitado. Aínda hoxe se chega a tempo de ubicala alí. Non se atreverá a falar de prazos cando a Planta de Mugardos con todos os apoios “oficiais”, económicos e mediáticos INCUMPRIU todos os prazos comprometidos (¿outra falsidade irresponsable?)

• Enerxía limpa ...... Non sexa tan rotundo! ¿Tan limpa como moitas mans que asinaron “autorizacións condicionadas”, informes favorables, recursos diante do Tribunal Supremo, ... etc.. etc.? O GAS NATURAL e non o digo para Vostede, que o sabe de sobra, é un combustible de orixe orgánica coma o carbón ou o petróleo, con menos emisión de CO2 na súa combustión ........ pero limpo? .... case. (Outra media verdade).

• 175 persoas traballando na terminal????, perdoe pero non o creo, a non ser que conte cos axentes de información/propaganda de SANTIAGO, MADRID e ate BRUXELAS.....

• ¿Quén sostén unha cousa aquí e outra en Xixón?. Outra falacia demagóxica. A normativa e a lexislación aplicable son as mesmas. Basicamente: * 2000 metros mínimos a núcleos de poboación e saída a mar aberto do gaseiro polos seus medios en caso de emerxencia. Diga dunha vez si estas dúas condicións son mentiras e si REGANOSA en Mugardos poderá cumprilas algún día!.Participei na construcción do Porto do MUSEL, coñezo ben a zona de XIXÖN e si non cumpre, rexéitoa!

• Gaseiros na Ría de Ferrol dende os anos setenta. Non faga rir. Gaseiros con carga so no ano 2007 no que estamos, non siga facendo demagoxia.

• Non é prexudicial para a ría!. Fale coas autoridades competentes de EE.UU. que veñen prohibindo a utilización da auga de mar para o proceso de regasificación, a última hai 3 semanas en CALIFORNIA “POLO PERIGO DE DESERTIZACIÓN DO MAR”.... Son tontos!.

• Esixencias de DELF MARITIM. Qué fácil e falar así. Esixencias que se impoñen por riba das requiridas por norma oficial .... ja, ja, ja. Concrete e fale do dragado do canal que prantexou a holandesa. Non o poden facer por tratarse dunha zona LIC (lugar de interese comunitario).E dos catro remolcadores con propulsión acimutal ¿qué?

• Que un grupo organizado secuestren o futuro da cidade .... ¡Por Favor!. Eso estendido a Ferrolterra, á Ría de Ferrol, pode aplicarse ao Grupo organizado Promotor da Planta! Se chega a funcionar aí, e espero que non, arruinaría o futuro da comarca!

Nin os líderes de Ferrolterra, nin a cidadanía, que POR LEI tiña que haber sido consultada.... (ou non o sabe?), teñen nada que ver co DISPARATE da ubicación da Planta de Gas. Os responsables teñen nomes e apelidos que se coñecen dende hai tempo, están nos Tribunais de Xustiza e serán estes os que dicten o veredicto e determinen as responsabilidades.

• “Canta sentencia firme se emitiu é favorable” ...Menos mal que di firme. A única, por non recorrida, foi a do Tribunal Superior de Xustiza de MADRID ......¡qué curioso! tiña que habelo feito o ex-alcalde de Ferrol Juan Juncal. As dúas (2) do Tribunal Superior de Xustiza de GALICIA, contrarias para REGANOSA, foron recorridas ao TRIBUNAL SUPREMO. A súa resolución tarda, pero chegará! Vaia pensando o que pode pasar....... O que si vexo que teñen pensado é nas consecuencias dese resultado da Xustiza.... parece que algo sospeitan, pero cunha afirmación, como outras un tanto arriscada e naturalmente pensando nos cartos, faltaría máis, é o único que lles interesa, adornado coa marabilla do progreso e o desenvolvemento, que os políticos, os seus aliados, traducen por “estratéxicos para Galicia”. Volvendo á posible e probable resolución xudicial confirmando a condenatoria do T.S.X.G. recoméndolle que se asesore sobre dúas formas xurídicas aplicables:

- O descoñecemento da LEI non exime do seu cumprimento e

- As actuacións obviando a LEI, a sabendas, penso que se chama prevaricación e é penable.

Sobre o tema da SEGURIDADE, plans de emerxencia, evacuacións, ... etc.. négome a falar, é excesivamente grave, delicado e noxento, ... cos cartos de fondo coma sempre!

E nin se fala, ninguén quere falar, da COBERTURA DE SEGUROS, pólizas, cotas, compañías aseguradoras, alcance, ......

Demasiado atrevemento falar, agora, dun DEBATE rigoroso .... Conteste ao contido deste escrito; por algúns parágrafos, se digo mentira, .... habería que ir ao xulgado.

SAÚDOS!

Eliseo Zaera Ríos