FERROL VELLO

A XUNTA DE GOBERNO APROBA DÚAS NOVAS ÁREAS DE REHABILITACIÓN EN A GRAÑA E FERROL VELLO

envíado por Ferrol | 24 Octubre 2007 | sin comentarios

23/10/2007

O programa inclúe a reurbanización de dous espazos nestes barrios

A Xunta de Goberno do Concello de Ferrol aprobou onte a posta en marcha da segunda e sexta fase, respectivamente, das áreas de rehabilitación urbana de A Graña e A Magdalena-Ferrol Vello, que supoñen un total de 35 actuacións no marco do Plan de Vivenda.

A maior parte das actuacións (20) concrétase en axudas para a rehabilitación de vivendas no casco da A Magdalena-Ferrol Vello, e de 15 para A Graña.

Como principal novidade das novas fases destacan procesos de reurbanización no chamado Campillo de San Antón, na manzá situada entre a rúa San Antón e Carme Curuxeiras, en Ferrol Vello, para a recuperación dun espazo público. Neste caso investiranse un total de 120.000 euros, dos que a Concellería Equipamento, Vivenda, Obras e Rehabilitación, que preside o edil de Esquerda Unida Miguel Reimúndez, aportará a metade.

Idéntica proporción correspóndelle o caso da reurbanización da rúa Real Baixa na Vila da Graña, que suporá un investimento final de 67.500 euros.

O edil de Obras subliñou ó término da Xunta de Goberno que ó longo de 2008 poránse en marcha obras de rehabilitación nun total de 125 novas vivendas que teñen solicitado axudas no marco do Plan de Vivenda 2005-2008. Delas, 90 corresponden á área de Ferrol Vello-A Magdalena e o resto á Graña.

http://www.ferrol-concello.es/ampliar.aspx?id=356