A AULA DE RENOVACIÓN URBANA PRESENTA HOXE EN COMPOSTELA OS PROXECTOS ELABORADOS PARA OS BARRIOS DE FERROL VELLO E RECIMIL
envíado por Ferrol | 30 Junio 2008 | sin comentarios
Miguel Reimúndez asegurou que para a cidade é un auténtico luxo contar coa Aula de Renovación Urbana, un dos mellores foros de traballo en materia de renovación
Os proxectos elaborados ao abrigo da Aula de Renovación Urbana para os barrios de Recimil e Ferrol Vello serán presentados hoxe en Compostela, no marco do Paraninfo da Facultade de Xeografía e Historia. O acto contará coa presenza do concelleiro de Vivenda e Obras, Miguel Reimúndez.
A Aula de Renovación Urbana está considerada como un dos principais foros españoles en cuestións de formación dos cidadás e da cidade modernaos, partindo do coñecemento da tradición e das técnicas modernas de construcción e xestión, tanto para os núcleos históricos, nos problemas da súa conservación e habitabilidade como, ao mesmo tempo, para a capacidade de acción coherente cos actuais modos de vida e o desenvolvemento urbano responsable. Para afondar e executar estes obxectivos, a Aula de Renovación Urbana interésase no coñecemento dos centros históricos e as técnicas e sistemas axeitados para intervir neles, así como na apertura de debates sobre os procesos de renovación.
Con estas referencias, os participantes na última edición da Aula visitaron os pasados meses Ferrol para desenvolver proxectos de recuperación e adecuación de vivendas na praza de Sevilla e en Ferrol Vello. Agora, trátase de expoñer as conclusións.
Segundo Miguel Reimúndez, o feito de que a Aula de Renovación Urbana teña elixido a Ferrol para abordar algúns dos seus proxectos aporta un evidente valor engadido, xa que “permite avanzar en filosofías de traballo coa ventaxa de que os seus criterios son de gran aplicación sobre o terreno”. As posibilidades de que os proxectos se leven así a cabo son elevadas, en opinión do concelleiro.
“Para a cidade é un auténtico luxo contar coa Aula de Renovación Urbana, un dos mellores foros de traballo en materia de renovación e ao máximo nivel tanto en España como no estranxeiro”, engade, “á hora de plantexar reflexións sobre a recuperación urbana dende o punto de vista de que a cidade faise mediante a rehabiltiación e abordando os problemas complexos con proxectos complexos”.
A cidade pode pois beneficiarse destes proxectos, que hoxe serán presentados aos doutras cidades como Santiago, por citar un exemplo.
www.aduaneirossemfronteiras.org