FERROL VELLO

TEMAS DE INTERESE COMO CONSUMIDOR NA VIDA DIARIA

envíado por Ferrol | 14 Julio 2008 | sin comentarios

Dereito de Admisión

Facultade que teñen os titulares dos establecementos públicos e os organizadores de espectáculos e de actividades recreativas de determinar as condicións de acceso dentro duns límites legais.

Condicións de acceso a lugares públicos:

Cumplir co respecto á dignidade das persoas, os seus dereitos fundamentais e que todo o mundo é igual ante a lei, sen que poida prevalecer ningunha discriminación (Constitución Española, Art. 14)

Débese evitar que se poida negar a ninguén, de maneira arbitraria ou improcedente, a entrada aos locais públicos

As condicións teñen que ser obxectivas

As condicións de acceso teñen estar expostas ao público, e cos requisitos seguintes: hai que exhibir un rótulo no cal se fagan constar expresamente as condicións obxectivas a que se supedita a entrada; debe estar sito nos accesos, ser visible a partir do exterior e, se é o caso, nas taquillas. Debe exhibirse, un rótulo indicativo do aforo máximo permitido, na entrada; os rótulos no interior só poden servir de recordatorio dos expostos no exterior

As condicións se teñen que aplicar igual para todo o mundo. Non poden ser discriminatorias

Comunicación : o establecemento ten que enviar a copia do texto do rótulo á Delegación do Goberno un mes antes do exercicio do dereito de admisión, é dicir, da colocación do rótulo. A copia do escrito á Delegación do Goberno, debidamente selada, ten que permanecer obrigatoriamente no establecemento. Tense que comunicar calquera modificación do texto do rótulo á Delegación do Goberno

Limitacións de acceso:

Cando o número de prazas establecido na licenza se cumpla

Ás persoas que manifesten actitudes violentas, agresivas ou provoquen barullos

Ás persoas que traian armas ou obxectos susceptibles de ser utilizados como tal

Ás persoas con roupas ou símbolos que inciten á violencia, ao racismo ou á xenofobia

Ás persoas que poidan producir perigo ou molestias a outros usuarios

Ás persoas que estean consumindo, ou mostren síntomas de haber tomado, drogas ou substancias estupefacientes ou mostren signos de estado de embriaguez

Tense que proceder á expulsión das persoas que dificulten o desenvolvemento normal do espectáculo ou a actividade

Responsabilidade

É do titular do establecemento ou o organizador do espectáculo, ou das persoas designadas que realizen o control do acceso e que estean identificadas como tal.

Reclamacións

Cando o consumidor considere que se fai un abuso indiscriminado deste dereito ou no establecemento non haiba un cartel cos requisitos para entrar, pode formular no momento unha denuncia diante dos corpos de seguridade e con posterioridade unha reclamación.

Lexislación aplicable: Decreto 200/99, de 27/7/99, polo que se regula o dereito de admisión nos establecementos públicos dónde se realizan espectáculos e actividades recreativas.

Establecementos de Restauración:

Existen diferentes tipos de establecementos de restauración:

1. Restaurante é o que ofrece comidas para ser consumidas no mesmo local

2. Bar é o establecemento dedicado a servir bebidas acompañadas ou de tapas ou de bocadillos

3. Bar-restaurante é o que ofrece ambos servizos indistintamente

Que fai falla saber:

Os restaurantes e os bares-restaurantes teñen a obriga de exhibir a lista de prezos dos servizos, tanto dentro como fóra do establecemento. Os bares, en cambio, só no interior. Os prezos son libres e debe especificarse se inclúen IVE ou se cobra aparte. Non está permitido o cobro de reservas, cubertos, mesa ou conceptos similares. Se sirven algo que non se pida previamente (por exemplo aperitivos), non se está obrigado a pagar. Se como cliente hai renuncia a algúns dos compoñentes do menú, hai que pagar, igualmente, o importe íntegro.

Os restaurantes e os bares-restaurantes teñen a obriga de expedir facturas detalladas de tódolos servizos cos prezos correspondentes. Os bares só están obrigados a expedir un tícket. As facturas dos menús poderán incluír unicamente a súa identificación e o prezo global. No caso de problemas Tódolos establecementos dedicados á restauración deben ter unha folla de reclamacións a disposición dos clientes e informar visiblemente da súa existencia. Se xurdiran problemas, hai que poñelos en coñecemento do encargado ou do propietario, sen dúbida é a mellor maneira de solucionar os malentendidos ou problemas.

Protección de Datos

Tratamento dos datos de carácter persoal:

O tratamento informático dos datos persoais require o consentimento da persoa interesada

Os datos que consten nos ficheiros teñen que ser actualizados, exactos e sen erros

Tan só pódense utilizar para a finalidade que se autorice no momento da recollida de datos

Os datos non se poden manter durante un tempo superior ao necesario

Datos especialmente protexidos:

Protección máxima: ideoloxía, relixión e creenzas

Protección media: orixe racial, saúde e vida sexual

Dereito á información:

O consentimento para o tratamento informático dos datos persoais pode ser tácito ou presunto. Cando se tratan datos de proteción máxima, a entidade ten a obriga de informar do dereito a non dar consentimento

Cando se recollen os datos, a entidade ou a empresa ten que informar de:

A existencia do ficheiro

A finalidade do ficheiro

O destino da información

O carácter obrigatorio/facultativo das respostas ás preguntas

As consecuencias da obtención dos datos ou da negativa a dalas

A posibilidade de exercer os dereitos ao acceso, rectificación e cancelación dos datos

A identidade e direción da entidade responsable do ficheiro

Se non se coñecen os datos da empresa responsable do ficheiro, os cidadáns se poden dirixir á Axencia de Protección de Datos

Dereitos: os dereitos de acceso, cancelación ou rectificación tan só se poden exercer persoalmente ou mediante representante legal. Do contrario, poden ser denegados. Fai falta anexar a calquera solicitude unha fotocopia do DNI e unha fotocopia de documentación acreditativa. A persoa interesada se ten que dirixir á entidade responsable do ficheiro (organismo público, empresa, etc.)

DEREITO DE ACCESO AO FICHEIRO para obter información dos datos persoais, mediante solicitude á entidade responsable do ficheiro, que ten que dar resposta no prazo dun mes. Para exercer novamente este dereito fai falta que pasen doce meses como mínimo.

DEREITO DE RECTIFICACIÓN para corrixir erros no ficheiro. O prazo de resposta é de 7 días.

DEREITO DE CANCELACIÓN para cancelar os datos dun ficheiro. O prazo de resposta é de 5 días.

Reclamacións: cando a causa publicidade recibida, se desprende o coñecemento de datos de proteción máxima.

Se non hai resposta aos dereitos de acceso, rectificación ou cancelación. En ambos casos, a reclamación remitiráse pola OMIC á Axencia de Proteción de Datos. É necesario anexar fotocopia do DNI, resgardo de solicitude dalgún dos dereitos e calquer outra documentación acreditativa.

Rebaixas

Hai que ter especialmente en conta os seguintes aspectos:

Os produtos deben levar sempre á vista o prezo rebaixado xunto co prezo antigo

Os produtos deben ter a mesma calidade, non poden ser defectuosos, e garantía que antes das rebaixas

É preciso que o consumidor esixa a factura, xa que é a garantía para realizar cambios

Coa nova normativa, a garantía é de dois anos

Hai que comprobar a información que facilita o comercio no que respecta a cambios e devolucións

Se o producto é defectuoso, o establecemento ten a obriga de cambialo ou de devolver o diñeiro

Se un establecemento admite habitualmente tarxetas de crédito, tamén ten que facelo na época de rebaixas

O comerciante ten que expoñer claramente os servizos que restrinxe neste período, en especial no que se refire a cambios ou devolucións. Os cambios, as devolucións ou a entrega dun vale non son un dereito do consumidor, senón unha deferencia que ofrece o comerciante. Só está obrigado a facelo se así o anuncia.

Vivenda

Antes de mercar se deben verificar numerosos aspectos:

Revisión do aspecto físico da vivenda: contorna, accesibilidade, vistas, metros cadrados útiles, estado das trabes, paredes, e se fora necesario en vivendas de segunda man solicitar informe técnico ao respecto.

Revisión de aspectos xurídicos: titularidade do inmoble (que pertenza realmente a quen di ser o propietario), posibles cargas sobre o predio (hipotecas, embargos, arrendamentos, etc.), coincidencia da superficie real da vivenda e/ou dos garaxes e rochos anexos coas dimensións publicitadas polo vendedor ou promotor, estatus fiscal (que estea ao corrente dos impostos aplicables), cédula de habitabilidade ou licenza de primeira ocupación se é o caso, garantía das cantidades avanzadas ao promotor ou construtor en caso de compra de vivenda en construción e outras garantías obrigatorias da vivenda, balance das cotas debidas á comunidade de propietarios cando sexa o caso, etc.

Rexistro da Propiedade: o consumidor pode asegurarse que estes requisitos se cumpran, basicamente a través dunha ou varias visitas persoais ao predio e tamén pola consulta ao servizo de información do Rexistro da Propiedade correspondente á localidade onde se atope o inmoble que interesa adquirir.

Tamén é moi importante a consulta do servizo de urbanismo do concello da localidade para coñecer o desenvolvemento urbanístico previsto para a zona da vivenda, e os aspectos referentes aos tributos locais que graven os inmobles.

O contrato de compra-venda: Comprador e vendedor poden acordar asinar un contrato en documento privado para despois asinar unha escritura pública perante notario, ou ben directamente esta última, que xa posibilita que o troco de titularidade do inmoble a favor do comprador se inscriba no Rexistro da Propiedade correspondente.Como contido esencial do contrato: deben figurar as partes contratantes correctamente identificadas; documentos de identidade, domicilio, capacidade legal, obxecto do contrato, prezo certo e taxa impositiva aplicable

Aspectos fiscais do contrato: (IVE aplicable á compra-venda cando esta sexa empresarial ou ben o Imposto de Transmisións Patrimoniais (ITP) para compra-vendas entre particulares, taxa a consultar segundo a comunidade autónoma), forma de pagamento (prezo total ou parcialmente aprazado), posibles préstamos hipotecarios vinculantes, se existe ou non-subrogación no préstamo hipotecario concertado polo vendedor, data de entrega do inmoble (chaves) ou data a partir da cal as partes si poden requirir mutuamente a sinatura da escritura pública de compra-venda perante notario, data do contrato e sinatura das partes Pode ser que se asine previamente un contrato de arras ou de paga e sinal: neste caso débese deixar moi claro ata que punto se comprometen as partes. Unha das arras máis utilizada é a penitencial, con efectos liberalizadores do cumprimento do contrato para as partes asinantes: se o comprador se bota atrás perde o diñeiro entregado ao vendedor, e se faino este último, devolveraos por duplicado

Despois de asinar: unha vez firmado o contrato de compra-venda e elevado a escritura pública, o comprador ten xa a posesión e pleno dominio da vivenda (agás que se pacte un prazo para desaloxalo co vendedor). Hai que destacar algunhas xestións de interese para o comprador, como: pagamento dos impostos vinculantes á escritura de compra-venda, ás oficinas liquidadoras, troco de titularidade do predio en ao catastro, a inscrición (non obrigatoria pero recomendable polo que se refire á seguridade xurídica) da compra no Rexistro da Propiedade Tributación da compra-venda de vivenda Como xa se dixo, sobre a base impoñible do prezo que figura na escritura de compra-venda, aplicarase un tipo impositivo principal (IVE/ITP). Se aplícase o IVE, tamén liquidarase o Imposto sobre Actos Xurídicos Documentados (AJD). O IVE págase directamente ao vendedor, pero o ITP se auto liquida nas oficinas das consellerías ou departamentos de economía e facenda da comunidade autónoma onde estea o inmoble, ou ben nas oficinas liquidadoras de distrito hipotecario do correspondente Rexistro da Propiedade. Actualmente, a vivenda nova tributa a un tipo de IVE do 7%, e a escritura pública da súa compra-venda está suxeita ao Imposto de Actos Xurídicos Documentados do 0,50% (agás as vivendas de protección oficial que están exentas do Imposto de Actos Xurídicos Documentados). A vivenda usada ou vendida entre particulares tributa no ITP nun 7% en Cataluña, Aragón, Baleares, Galicia, Madrid e Murcia, e nun 6% no resto de comunidades autónomas. Se o comprador non reside en España, é necesario que se informe no organismo tributario correspondente sobre as especialidades da súa tributación.

Garantías e responsabilidades:

A normativa de edificación establece unha graduación da responsabilidade das persoas e empresas que participan na edificación, diante dos adquirientes ou propietarios, aplicable ás compra-vendas de vivendas edificadas con licenza posterior ao 6-5-2000

Responsabilidade durante 10 anos a partir da data de recepción da obra, polos defectos que dañen a cementación, trabes, desastrados, paredes de carga ou outros elementos estruturais e que comprometan directamente a resistencia mecánica e a estabilidade do edificio. O rexistrador do propriedade verificará que o promotor ou construtor contrate unha póliza de seguro decenal ao respecto, para poder inscribir ao Rexistro a transmisión

Responsabilidade durante 3 anos por danos materiais nos elementos construtivos ou de instalacións que afecten a habitabilidade do edificio

Responsabilidade durante 1 ano por danos que afecten á terminación da vivenda

O comprador ten un prazo de 2 anos desde que ocorreron os danos para interpoñer as correspondentes accións xudiciais ao respecto. Á marxe, para calquera contrato de compra-venda de vivenda, o vendedor está obrigado a responder dos defectos ocultos que existan, obriga que para o comprador implica o dereito a escoller entre desistir do contrato e recuperar o diñeiro pago, ou ben obter unha rebaixa no prezo global, segundo peritaxe.