FERROL VELLO

POR UN TRANSPORTE PÚBLICO E DE CALIDADE

envíado por Ferrol | 16 Julio 2008 | sin comentarios

Ferrol, Martes 15 de xulio del 2008

Desde a Asociación de Veciños de Ferrol Vello queremos facer un chamamento xeneralizado a todas as asociacións, a todos os colectivos sociais e, en xeral, a toda a cidadanía cun mínimo de concienciación e responsabilidade para tratar un tema que nós consideramos vital. Trátase do transporte público.

Feitos:

1.- A empresa RIALSA xa está reducindo liñas e horarios principalmente no rural ( Mandiá, Covas, Doniños...) supostamente non lle resulta rendible economicamente.

2.- A Administración está contribuíndo con cartos públicos ao mantemento destas liñas e por tanto axudando a aumentar os beneficios da empresa.

3.- O Concello tamén está a estudar e propoñer unha nova restruturación do transporte público tanto no rural coma no urbano.

4.- Tanto uns coma os outros non contaron coa opinión dos propios usuarios e da ciudadania en xeral que sen dúbida teñen moito que dicir sobre estes estudos e propostas de redución.

Á vista destes feitos queremos manifestar a nosa postura:

• O transporte público non debe ter como fin fundamental o económico senón o servizo á cidadanía e un compromiso medioambiental, de igual xeito que a sanidade e a educación.

• Os máis afectados pola redución ou supresión do transporte público son como sempre, os sectores máis débiles; os cidadáns, o ecosistema e o propio concepto de cidade moderna e con calidade de vida.

• Un país que quere progresar debe manter unhas comunicacións áxiles e en bo estado onde as empresas adxudicatarias invistan en calidade

• Ante a crise enerxética e a necesitade de proxectos de sostibilidade, débense potenciar máis os servizos públicos colectivos para que sexan competitivos e motivadores para deixar os vehículos particulares.

• Fálase moito da participación cidadá e cremos que esta é unha ocasión excelente para que, se se ten vontade, contar coa cidadanía e así cambiar hábitos nocivos a favor dunha convivencia entre vehículos, peatones e cidade.

Xuntemos forzas nun proxecto común.

Asdo./ Xunta Directiva

AVV “FERROL VELLO”